ᓄᓇᓕᓐᓂ ᓂᕐᓯᐅᕕᒻᒥ ᐱᓇᓱᐊᕐᑕᐅᕙᑦᑐᑦ ᓄᓇᓕᒥᐅᑦ ᑲᒪᖃᑎᒌᑦᑎᑕᐅᒋᐊᕐᑎᓗᒋᑦ ᓂᕆᔭᑦᓭᑦ ᐱᕙᓪᓕᐊᑎᑕᐅᓂᓕᒫᖏᓐᓂ ᐱᒋᐊᕐᕕᓕᑦᑕᐅᓂᖏᓐᓂᑦ ᐱᔭᕇᕐᑕᐅᓂᖏᓐᓄᑦ. ᐃᓚᐅᔪᑦ ᐃᓕᑦᓯᓯᐊᓚᕿᓲᑦ ᐊᒻᒪᓗ ᓂᕐᓯᐅᑐᑦ ᓇᓗᓀᒃᑯᑕᖏᓐᓂᒃ ᒪᓕᒍᓐᓇᓱᑦᓱᑎᒃ ᐆᑦᑐᕋᕐᓂᒥᓂ ᓄᑖᓂᒃ ᓂᕿᓂᒃ ᐊᒻᒪᓗ ᓂᕿᓕᐅᕆᐊᓕᕐᕿᑕᕐᐸᓱᑎᒃ ᐊᕆᐅᑕᐅᕐᖃᔭᖕᖏᑐᓂᒃ ᐱᔪᒪᔭᐅᔪᓂᒃ.
ᐱᓇᓱᐊᖃᑎᖃᕐᐸᑐᒍᑦ ᓄᓇᓕᓐᓂ ᑎᒥᓂᒃ ᑲᔪᓯᑎᑦᓯᓕᑐᐊᕋᑦᑕ ᐊᑐᓗᑭᖕᖏᑐᓂᒃ ᐱᓇᓱᐊᕐᑎᓯᐅᑎᓂᒃ ᐆᑦᑑᑎᒋᑦᓱᒋᑦ ᐃᓕᓴᕐᕕᒥ ᐃᓕᓴᖃᑎᒌᑦ ᓂᕐᓯᐅᕆᐅᕐᓴᑎᑕᐅᓂᖏᓐᓂᒃ ᐅᕝᕙᓘᓐᓃᑦ ᐅᓐᓄᓴᒃᑯᑦ ᓂᕐᓯᐅᕆᐅᕐᓴᑎᑕᐅᓂᖏᓐᓄᑦ ᕿᑐᕐᖕᖏᐅᕆᐅᕐᑐᑦ. ᓂᕐᓯᐅᕇᕋᑦᑕ, ᓂᕆᖃᑎᒌᓯᑦᓱᑕ ᑭᓯᐊᓂ! ᐃᒐᔭᑦᑎᓂᒃ ᐊᕕᖃᑎᒌᑦᓱᑕ ᓄᓇᓕᒥᐅᒍᖃᑎᑦᑎᓂᒃ ᐊᒻᒪᓗ ᐊᕿᐊᑦᑐᓇᕐᑐᓯᐊᓂᒃ ᓂᕆᔭᑦᓴᓂᒃ ᒥᓇᕐᐸᓱᒋᑦ ᐊᓇᕐᕋᓯᒪᔨᐊᕗᑦ ᓇᓪᓕᒋᔭᕗᑦ.
ᓂᕐᓯᐅᕈᑦᔨᐸᒻᒥᔪᒍᑦ ᐊᖏᔪᕐᓚᓂᒃ ᑭᒡᒐᑐᕈᑎᑦᑎᓂᒃ ᒪᓂᔨᕕᖃᕐᓱᑕ ᐆᓇᕐᑐᓂᒃ ᑎᒥᒧᑦ ᐱᐅᔪᓂᒃ 250 ᓴᓂᐊᓃᑦᑐᓂᒃ ᐃᓄᓐᓂᒃ ᐃᓕᒃᑰᑎᕐᑐᓂᒃ. ᐊᖏᔪᕐᓚᓂᒃ ᓂᕐᓯᐅᕈᑦᔨᐸᑦᑐᒍᑦ ᐃᓘᓐᓀᓂᒃ ᓄᓇᓕᒥᐅᓂᒃ ᐊᒻᒪᓗ ᑐᓴᕐᑎᓯᕙᑦᓱᑕ ᑌᒣᓚᖓᒋᐊᖅ Facebook-ᑯᑦ ᐊᒻᒪᓗ ᓄᓇᓕᓐᓂ ᑐᓴᐅᑎᒃᑯᑦ. ᐃᑲᔪᕆᐊᕈᒪᒍᕕᑦ ᐊᖏᔪᕐᓚᓂᒃ ᓂᕐᓯᐅᓕᕐᒥᒍᑦᑕ ᖃᐅᔨᑎᑕᐅᒍᒪᔪᒍᑦ!
