ᐃᕐᓯᕕᓐᓃᑐᓂᒃ ᐸᔪᕋᕐᓂᓂᒃ ᐱᓇᓱᐊᕈᑦᔨᐅᑎᕗᑦ ᒪᓂᔨᒍᑕᐅᓲᖅ ᐸᔪᕋᕐᓂᒥᒃ ᐃᓄᑦᔪᐊᒥᐅᑦ ᑭᖕᖒᒪᔭᖏᑦ ᐃᑉᐱᒋᑦᓱᒋᑦ. ᐃᓚᒌᑦ ᓂᕆᔭᑦᓭᓘᕐᑐᑦ ᓯᕙᓂᕈᓐᓇᐸᑦᑐᑦ ᓯᕆᕕᒻᒧᑦ ᐃᑲᔪᕐᓯᔭᐅᒍᒪᑦᓱᑎᒃ. ᑖᓐᓇ ᐱᒋᐊᕐᑎᓯᒪᔭᕗᑦ ᐃᑉᐱᒋᑦᓱᒋᑦ ᓄᓇᓖᑦ ᐃᓗᐊᓂ ᐃᑲᔪᕐᓯᔭᐅᓯᒪᑦᓯᐊᖏᑦᑐᑦ ᑳᓐᓂᐅᔭᕐᐸᓱᑎᒃ.
ᐃᓘᓐᓇᑎᒃ ᐃᕐᓯᕖᑦ ᐊᑦᔨᒌᖕᖏᑑᕙᑦᑐᑦ ᐊᒻᒪᓗ ᐃᓗᓕᖃᕆᐊᖃᕐᐸᓱᑎᒃ ᓂᕆᔭᐅᕙᓪᓗᓲᓂᒃ, ᑐᕐᖁᓯᒪᖃᑕᐅᑎᓗᒋᑦ ᓂᕐᓯᐅᑕᐅᓕᕈᑎᒃ ᓇᓗᓀᒃᑯᑕᖏᑦ ᐱᕙᓪᓖᒋᐊᕈᑎᐅᑦᓱᑎᒃ ᓂᕿᑦᓯᐊᑑᒪᓂᕐᒥᒃ ᐊᒻᒪᓗ ᓂᕆᔭᐅᓚᖓᔪᓂᒃ ᐊᑐᐃᓐᓇᕈᕐᑎᕆᒋᐅᕐᓴᐅᑎᑦᓴᖏᓐᓂᒃ ᐸᔪᑦᑕᐅᔪᑦ.
ᐃᕐᓯᕕᓐᓃᑐᓂᒃ ᐸᔪᕋᕐᓂᕆᓲᕗᑦ ᐱᒋᐊᕐᑎᑕᐅᓯᒪᔪᖅ ᖃᓂᒪᓐᓇᒧᑦ ᐊᓂᑦᑌᓕᑎᓗᒋᑦ 2020 ᐅᐱᕐᖔᖓᓂ, ᐊᒻᒪᓗ ᖃᓄᐃᓕᖓᓂᖓ ᐊᓯᑦᔨᕙᓪᓕᐊᓯᒪᑦᓱᓂᒃ ᑌᑦᓱᒪᓂᐅᓯᒪᒻᒪᑦ, ᐊᒥᓱᐃᓂᒃ ᐊᓯᑦᔨᑕᕐᓂᖃᕐᓯᒪᓕᕐᓱᓂ ᓂᕆᔭᑦᓴᖃᕐᓂᑎᒍᑦ ᐃᑲᔪᕐᓯᔭᐅᑦᓯᐊᐸᓐᓂᖏᑦ ᐃᓄᑦᔪᐊᒥᐅᑦ ᑲᔪᓯᑦᓯᐊᑐᖅ.
